Search form

Luku int

Ɓay ká se tul feri ká ɗo ɓil mbeɗe ni key

Mbeɗe key na ɓaa ha̰ nzoɓri mii, Zezu ɓa Nzoɓ Ya̰aŋa Nzoɓri ká Ŋgɛrɛwṵru waa ɓay píe ni ha̰ ni ya̰a leɗ Izarayɛlri. Ɓa leɗ Izarayɛlri huo-ri hɔy ya, roo lɛ, ka ɓa nzoɓ ya̰aŋa sa̰w nzoɓri riw bele. Soro ɓay feri ká Luku ɗaa ɗo ɓil mbeɗe key na, ruɔkeri ɗo maa kḭ ɓáy ɓay ká ɗo ɓil mbeɗe Matiye ɓáy mbeɗe Marki. Roo lɛ, ɓáy faa nzáara sa̰wke lɛ, nzoɓ ɗáa mbeɗe key na, ɗaa ɓay kḭri ŋgḭ-ŋgḭi zuɔ ɗi, munu ká soro ɓay mboŋa Zezu káʼa tina ɓáy nzi-ɛ lɛm lɛm, kuban ká hu ká Zezu ha̰ ni yḭ̀i a kaw ɓáy kumnun nda̰w, soro ɓay ká se tul Zase nda̰w, rɔɔ soro ɓay nzoɓri ká Zezu ziŋ ri ká faa Emayus nda̰w pi. Rɔɓay, ka ɗaa law ɓay kḭri zuɔ ɗi nda̰w, munu ká law ɓay ká se tul nzoɓ law kere ká Samari, ɓáy law ɓay ká se tul leɗ ká tḭ̀i, rɔɔ a yḭ̀i a ví zuɔ ziŋ bi-ɛ.

Zezu na kɔ nun síe nzoɓri. Ka ɗaa law kere ziŋ nzoɓ sɛmri, ziŋ nzoɓri ká i ɗo ɓil kɔ́kɔ sɛkɛ fe nda̰w, nzoɓri ká i ɗaa nun-ri tuɔ síe nda̰w, rɔɔ nzoɓ kṵkuri nda̰w pi. Ká ɓil mbeɗe key riw bele na, nzoɓ maa ɓay zíŋ suoriya ká tul ví Zezu Nzoɓ Ya̰aŋa Nzoɓri nda̰w, ká tul yṵm káʼa haw ká tul hṵrusuo ŋgɛrɛtemndaya nda̰w pi.

Máa ɓayri ká ɗo ɓil-e

Mboŋa Za̰a Batis ɓáy taa Zezu: 1–2

Peɗ ɗáa Za̰a Batis: 3

Peɗ ɗáa Zezu, ɓáy káa ɓay ɓe ká kuɗu zaɗ ká Galele: 4.1–9.50

Úru saa kuɗu zaɗ ká Galele kpṵru mgba Zuruzalɛm: 9.51–19.27

Ɓay Zezu ká ɓaa ziŋ nzoɓ túŋ ni ŋgereŋri ká Zuruzalɛm: 19.28–20.47

Ɓíɛ káʼa ɓóko tul Zuruzalɛm, ɓáy síe yḭ́i Vu Nzoɓ: 21

Kɔ́kɔ sɛkɛ fe Zezu, tḭ́i ɓe saa luɔ huɗ, ɓáy zɔl ɓe ɓa nulue: 22–24