Search form

Matiye int

Ɓay ká se tul feri ká ɗo ɓil mbeɗe ni key

Mbeɗe key na Matiye ɗaa ɓay haŋa nzoɓri kɔ mii, Zezu ɓa Krisi, nzoɓ ká Ŋgɛrɛwṵru waa ɓay píe ni ví ya̰a nzoɓri. Ɓe mini ze, ka sa̰n ɓayri ká ɗo ɓil Mbeɗe sáka kuni ká piɛɗke ŋgḭi ɓamba a ɗaa ɗo ɓil mbeɗe ni key ɓay kíɛke mii, feri riw bele ká Ŋgɛrɛwṵru waa ɓay ɗáa na, ɔ ɓáy zaɗɛ ɓáy faa vika Zezu ká ɓa Krisi, Vu Ŋgɛrɛwṵru, Nzoɓ Káw Ɓáy Kumnun.

Sa̰w fe káʼa ɗáake mbeɗe key na, ɓay kḭiŋake soro ɓay káw ɓáy kumnun Zezu riw bele ya, roo lɛ, kakalke ɓa ɓáa nasi ɓay fe káʼa ɗaa, ɓáy fe káʼa fere nzoɓri. Ka kiɛ Zezu ɓa bawda nzoɓ luye ká fere nzoɓri fe ɓáy hṵrusuo ká uru saa luo Ŋgɛrɛwṵru. Ɓe Zezu na, ka maa ɓay tína má̰ra sa̰w ɓay bol kusol Ŋgɛrɛwṵru nda̰w, a maa kíɛ nzoɓri ɓay ká se tul réke mbay Ŋgɛrɛwṵru na nda̰w pi.

Máa ɓayri ká ɗo ɓil-e

Sa̰w bulu Zezuri ɓáy mboŋa ɓe: 1–2

Ɗáa tul nduo mbii Zezu, ɓáy lie law-ɛ: 3–4

Fe fére Zezu ká tul mbɔrɔ: 5–7

Fe saŋri ká Zezu ɗaa, ɓáy nzoɓ túŋ ni ŋgereŋri: 8–12

Law ɓayri ká se tul réke mbay Ŋgɛrɛwṵru: 13

Fe ɗáa saŋ Zezu, ɓáy ɓay káʼa ɓaa ziŋ Fariziri: 14–18

Úru saa kuɗu zaɗ ká Galele kpṵru mgba Zuruzalɛm: 19–23

Vika réke mbay Ŋgɛrɛwṵru: 24–25

Kɔ́kɔ sɛkɛ fe Zezu, huɗ ɓe, ɓáy tḭ́i ɓe saa luɔ huɗ: 26–28