Search form

1 Timoseo 3

Vilongozi mwe bunga dya wazumile

1Ulosi uno ni wa chindedi, hegu mntu aunga ndima ya uchimaila wa bunga dya wazumile aunga ndima yedi, 2ivyo mchimaila ywa bunga dya wazumile atende hena lema dyodyose. Atende mgosi wa mvyele yumwenga edime ekale vyedi na wantu naho akutunywa asekutenda mbafu na kunga kugoneka wajeni naho amanyize kuhinya. 3Asekutenda mkozi hegu mnkumbizi, na ahole asekutenda akungisa hela, 4mta kuchimaila nyumba yakwe vyedi afunde wanawe weve watunyise. 5Uneva mntu adunduga kulongoza nyumba yakwe mwenye nadahe vivihi kudima bunga dya wazumizi wa Chohile? 6Asekutenda mzumizi mhya chani asekwiza kweduvisa na kukantilwa saviya Mwavu akantilwe. 7Seivyo aungwa atende mntu akulongelwa vyedi ni wantu we kuse mwe dibunga dya wazumile, chani asekubelwa na kugwizwa mwe mtego wa Mwavu.

Wambizi mwe bunga dya wazumile

8Naho wambizi mwe bunga dya wazumile waungwa watende wata kutunywa. Wasekutenda wasongaganyi mo kulonga kwawo hegu wase kukoleswa hegu wata kulonda ugoli kwa sila heikuwagila. 9Waungwa watozese kwa fanyanyi zilenguke na ichindedi cho uzumizi chigubulwe. 10Nkongo Waungwa wahimwe, vikaheza uneva hawawoneke na lema, nawadahe kusankana enga wambizi wa bunga dya wazumile. 11Seivyo wavyele wawo wedime na kwetunya wasekutenda wakuzigana, mna wechinde naho wakanuni mwe mbuli zose. 12Mwambizi ywa bunga dya wazumizi aungwa atende na mvyele yumwenga du, naho alongoze vyedi wanawe ne nyumba yakwe. 13Kwaviya wambizi wakusankana mwe ndima yawo vyedi wantu nawawatunye, naho hewekogoha mo uzumizi mwa Kulisito Yesu.

Chindedi Chigubulwe

14Nakuwandikila vino hatenda na msuhi wa kusunguza kwiza uko. 15Mna sina sunguze kwiza viya huwandikile navikugambile lujendo lukungigwa lutende mwe nyumba nkulu ya Chohile, nuko kugamba wantu wakumzumila Chohile mta ujima, kwaviya uyo nuyo nguzo na msingi wa chindedi. 16Hachina nkama nechindedi chigubulwe cho uzumizi mwetu ni chikulu, chindedi icho ni kugamba,

Uyo nakalaila mwe mligano wa mntu,

Kalongwa ni Muye Ukukile kugamba ni mta wedi kwa Chohile,

wandima wa kwembingu wamwona,

kalongwa mwe wantu wa makabila,

kazumilwa mwe isi yose,

kenulwa kwembingu mwe ukulu.

Lagano hya

© The Word For The World and Pioneer Bible Translators, 2014

More Info | Version Index