Search form

SALMOS 146

1¡Ga'n ẕen X̱anžo Dios!

Dot ḻaža'a žoe ḻawa' X̱anžo Dios.

2X̱ak zoa' nbana' wká'n ẕena' X̱anžo Dios.

Góḻteza' da' we ḻawa' X̱anžo Dios x̱ak zoa' nbana'.

3Bi wx̱én ḻáže'le benne' wnná bia' ka',

na' bi wx̱én ḻáže'le benne' waḻe ka', dan' bi gak yeslágake' ḻe'e.

4Žežój be' zej yoe'e, na' yeyákgake' bix̱te yo.

Ḻo ža na'kze nitle da' gok ḻáže'gake' góngake'.

5Ba nez ẕen naken che bennen', žakḻen Dios che Jakob ḻe',

bennen' žx̱en ḻaže'e X̱anžo Dios.

6Dios na'kze bene' ya'abá, na' yežlyó, na' nisdo',

na' yógo'te da' ka' zej nnitan' latje ka'.

Nake' Bennen' žónteze' da' ḻi ḻaže'.

7Ẕchi'a ḻaže'e benne' nyache' ḻaže' ka',

na' ẕwawe' benne' ka' ẕdóngake'.

X̱anžo Dios žeslé' benne' ndo'w ka'.

8X̱anžo Dios žeyone' yej ḻawgak benne' ḻo choḻ ka'.

X̱anžo Dios žechise' benne' ka' žejchégwgake'.

X̱anžo Dios nži'ile' benne' chawe' ka'.

9X̱anžo Dios žape chi'e benne' zi'to' ka'.

Žákḻene' bi' wzebe ka', na' no'le wzebe ka',

san ẕchinnje' da' žongak benne' wen da' ẕinnj ka'.

10Ḻe'e, benne' yež Sión, ẕnna bia'kze X̱anžo Dios.

Ẕnna biá'teze Dios to chi'ize.

¡Ga'n ẕen X̱anžo Dios!

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index