Search form

SALMOS 150

1¡Le wká'n ẕen X̱anžo Dios!

¡Le wká'n ẕen X̱anžon' ḻo yodo' la'y chie'!

¡Le wká'n ẕen yeḻa' wak chie' ḻo ya'abá chie'!

2¡Le wká'n ẕene' Ḻe' ni'a che da' ẕen da' bene'!

¡Le wká'n ẕene' Ḻe' ni'a che yeḻa' ẕen chie'!

3¡Le wká'n ẕene' Ḻe', wkwéẕele lozgak bia ka'!

¡Le wká'n ẕene' Ḻe', chínnele da' žóḻ-ḻento' ka'!

4¡Le wká'n ẕene' Ḻe', wchónchwle yid, na' wya'ale!

¡Le wká'n ẕene' Ḻe', chínnele da' ka', na' wkwéẕele bžéjwdo' ka'!

5¡Le wká'n ẕene' Ḻe', wtiḻ-le yado' ka'!

¡Le wká'n ẕene' Ḻe', wtiḻ-le ya ẕen ka'!

6¡Le wká'n ẕen X̱anžon', yógo'tele zoale nbanle!

¡Le wká'n ẕen X̱anžo Dios!

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index