Search form

SALMOS 47

1¡Le kapa' na'le, ḻe'e, yógo'te benne' ka'!

¡Le wká'n ẕen Dios ḻen yeḻa' žebele!

2Žaḻa' žébežo X̱anžon', Bennen' nape' dot yeḻa' wak.

Nake' Benne' Wnná Bia' Ẕen, na' ẕnna bi'e dot yežlyó.

3Bdie' benne' zi'to' ka' ḻo na'žo.

Bnnite'e žo'o nich nna bia'žo yež ka'.

4Beké'e yežlyó nga ḻo ná'gake', na' bennen' chežo,

na' naken to yežlyó x̱tanḻe'e che ẕa'só Jakob ka', benne' ka' nži'ile'.

5Ẕben Dios gan ži'e ẕnna bi'e.

Ẕbéžegak lozgak bia ka' kate' ẕben X̱anžon' ga na'.

6¡Le goḻ da' wká'n ẕenle Dios! ¡Le goḻ!

¡Le goḻ da' wká'n ẕenle Bennen' ẕnna bi'e žo'o!

7Dios nake' Benne' Wnná Bia' Ẕen dot ḻo yežlyó nga.

¡Le goḻ chie' ḻen dot yeḻa' žejní'il chele!

8Že' Dios gan ẕnna bi'e, ḻo latje la'y na'.

Ẕnna bi'e yógo'te yež ka'.

9Ẕdobgak benne' ka' ẕnna biá'gake' yógo'te yež ka'

tẕen ḻen benne' ka' che Dios che Bran.

10Benne' ka' ẕnna biá'gake' do ẕente yežlyó nga

bdégake' yeḻa' wnná bia' chégake' ḻo na' Dios.

Ḻe' ẕnna bi'e yógo'te benne' wnná bia' ka'.

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index