Search form

SALMOS 56

1Beyache' ḻaže'l neda', Dios, nich bi wžía yí'gak benne' ka' neda'.

Tža tža žsáka'gake' neda', na' ẕdíḻ-ḻengake' neda'.

2Dot ža, na' yele benne' ka' bi ẕḻé'egekle' neda' chawe' ẕbia ḻáže'gake' neda',

dan' nníta'gak benne' zante, benne' ẕdíḻ-ḻengake' neda' ḻo yeḻa' ẕka'n ẕen kwíngake'.

3Kate' ẕžin ža ẕžeba', žx̱en ḻaža'a Dios.

4Žx̱en ḻaža'a Ḻe', na' ẕka'n ẕena' x̱tiže'e.

Žx̱en ḻaža'a Ḻe', na' biž ẕžeba'.

¿Biẕkze gak gongak benne' ka' chia' neda'?

5Yógo'te ža ẕží'igake' che x̱tiža'a.

Ḻen yógo'te da' ẕnnágake' žóngake' neda' žia.

6Ẕdóbgake', na' ẕkache' kwíngake'.

Ẕwíagake' binlo da' žona'.

Žénegekle' gótgake' neda'.

7X̱ana' Dios, bwia da' žóngake', na' ḻo yeḻa' ẕža'a chio' bžia yi' benne' ka'.

8Nnézkzelo' Le' ka žẕonnja' ḻawgak benne' ka'.

Bejsá' ḻaže' nis da' ba wžeža'.

¿Bi zej nyejwn ḻe'e yiche chio'?

9Kate' žḻiža' Dios, ḻo ža na'kze žẕonnjgak benne' ka' bi ẕḻé'egekle' neda' chawe'.

Nnezkzla' zoaḻen Dios neda'.

10Žx̱en ḻaža'a Dios, na' ẕka'n ẕena' x̱tiže'e.

Žx̱en ḻaža'a X̱anžon', na' ẕka'n ẕena' x̱tiže'e.

11Žx̱en ḻaža'a Dios, na' biž ẕžeba'.

¿Biẕkze gak gongak benne' ka' chia' neda'?

12Nbaga'a da' bchebe ḻaža'a gona' chio', Dios.

Goḻkza' da' we ḻawa' Le'.

13Besló' be' da' nakkza' ḻo yeḻa' got,

na' bekó'o ni'a gan wzóa chejchégwgaken.

Gak choa'a ḻawo' Le', Dios, ḻo yeḻa' baní'

da' žonno' chegak benne' ka' zóagake' nbángake'.

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index