Search form

SALMOS 63

1-2Dios, nako' Dios chia'.

Ẕbiḻe be' da' nakkza' da' nak chio'.

Beḻa' žen chia' ẕdan ḻaže' dan' naken chio'.

Žak chia' ka zoakza' to yežlyó biž gan bi be nis den.

Žak ḻaža'a yida' ḻawo' Le'

nich ḻe'ela' yeḻa' wak chio', na' yeḻa' ẕen chio',

káteze bḻe'ela' da' nak chio' ḻo latje la'y chio'.

3Nakže chawe' yeḻa' žeyache' ḻaže' chio' ka yeḻa' nban.

Che ḻen wká'n ẕenkza' Le'.

4Wchaḻja' che da' chawe' da' nako' Le' x̱ak zoa' nbana'.

Nich wká'n ẕena' La la'y chio' Le' wchiskza' na'a.

5Yelje be' da' nakkza' da' naken ka to yeḻa' waw dẕi'.

Ḻen yeḻa' žebele wká'n ẕenkza' Le'.

6Žezá' ḻaža'a chio' Le' kate' dia' gan ẕtasa',

na' ẕlab ḻaža'a ka nak chio' kate' bi na' tasa'.

7Dan' žákḻeno' neda', yebéḻe'ela' kwito' Le'

kan žongak bríse'do' ka' ẕan x̱il ẕkoko'.

8Be' da' nakkza' naken toze ḻen Le',

na' ḻen no'o waḻe nox̱o' neda',

9san benne' ka' gok ḻáže'gake' wžía yí'gake' neda' chejchó'ogake' ḻo yi' gabíl.

10Kwia yí'gake' ḻo ya ntoche'.

Gákgake' da' gawgak beko' chjew ka'.

11Neda', benne' wnná bia', yebela' ḻo da' nak che Dios.

No benne' ẕkonle' žin La Dios gape' Ḻe' ba la'ne,

san benne' wen ḻaže' ka' gá'ngake' žize.

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index