Search form

SALMOS 70

1Beslá neda', Dios.

Da ka' gaze nich gákḻeno' neda', X̱ana' Dios.

2Ben ga yedoé'egekle, na' kwe' zédgekle benne' ka' žénegekle' gótgake' neda'.

Ben ga yebíga'gak, na' chíx̱gekle benne' ka' žebégekle' dan' že' zedla'.

3Ben ga ga'ngak yaḻ ḻaže' ḻo da' žongak benne' ka' žon dítjgekle' neda'.

4Benne' ka' žíngake' ḻawo' Le' yebégekle', na' sóagake' ḻo yeḻa' ba nez.

Benne' ka' žé'gake' Le' “Žóx̱keno'” dan' besló' ḻégake'.

Ẕnnágake': “¡Ga'n ẕen Dios!”

5Ze' zedla', na' nat ni'a na'a.

Da ka' gaze gákḻeno' neda', Dios.

Le' nako' Benne' weslá chia', X̱ana'.

Bi želo', X̱ana' Dios.

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index