Search form

SALMOS 99

1Nak X̱anžo Dios Benne' Wnná Bia' Ẕen,

na' žẕízegak yógo'te benne' ka' ni'a chie' Ḻe'.

Ži'e latje blo chie' dan' zoan ḻáwlegak kerubín ka', na' žẕo' yežlyó nga.

2Ẕente nak X̱anžon' ḻaw Ya'a Sión.

Nake' ẕen ḻáwlegak yógo'te yež ka'.

3Le wká'n ẕen La la'y che X̱anžon' da' naken ẕen,

na' da' žaḻa' žébežo.

La'y nake' Ḻe'.

4Le', Benne' Wnná Bia' Ẕente, nži'ilo' da' nak chawe'.

Bzoa chocho' da' naken dot da' li.

Beno' da' naken chawe', na' da' naken dot da' li ni'a chegak ẕa'só Jakob ka'.

5¡Le wká'n ẕen X̱anžo Dios!

¡Le wzóa ẕible ḻawe' Ḻe' gan ži'e ẕnna bi'e dan' nake' la'y!

6Moisés, na' Aarón gókgake' bx̱oz chie' ka'.

Samwel goke' to benne' bcháḻjḻene' Ḻe'.

Wnnábgekle' X̱anžo Dios to, na' Ḻe' bechebe'.

7Bcháḻjḻene' benne' ka' to ḻo bejw gasj.

Béngake' da' wnnakze' Ḻe', na' da' bchi'le' ḻégake'.

8Le', X̱anto' Dios, bechebo' chegak benne' ka'.

Bḻoe'elo' ḻégake' nako' Dios, na' ženít ḻawo'o Le' chegak benne' ka',

ḻa'kze žono' ga ẕzáka'gake' ni'a che doḻa' da' nbága'gake'.

9¡Le wká'n ẕen X̱anžo Dios!

¡Le wzóa ẕible ḻawe' Ḻe' ḻaw ya'a la'y chie', dan' la'y nak X̱anžo Dios!

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index